Vüqar Muradov (d. 1967, Bakı) 1986-cı ildə Ə. Əzimzadə adına Rəssamlıq Məktəbini bitirib. Azərbaycan Rəssamlar İttifaqının (1997) və Azərbaycan Karikaturaçı Rəssamlar Birliyinin (2007) üzvüdür. 1989-cu ildən Respublikada və xaricdə keçirilən (Vaşinqton, Tehran, Moskva, Paris, Lüksemburq) bir çox qrup sərgilərin iştirakçısıdır. Onun həm Azərbaycanda, həm digər ölkələrdə bir sıra fərdi sərgiləri də təşkil olunub. Yaradıcılığına görə dəfələrlə mükafatlar qazanıb, müxtəlif kataloqlarda əsərləri dərc olunub. Son illər karikatura janrı və fotoqrafiya ilə də məşğuldur. Əsərləri Azərbaycan və digər ölkələrin muzey və şəxsi kolleksiyalarında saxlanılır.