Qoça Qinturi (d. 1980, Qori) Tbilisidəki M. Toidze adına İncəsənət Liseyini bitirdikdən sonra, Yakob Nikoladze adına Tbilisi Rəssamlıq Texnikumunda “Rəssamlıq” ixtisası üzrə təhsilini (1998-2000) davam etdirir. 2000-2004-cü illərdə A. Kutateladze adına Dövlət İncəsənət Akademiyasının “Kino və televiziya rəssamlığı” fakültəsində bakalavr üzrə, 2004-2006-cı illərdə isə həmin tədris ocağın “Rəngkarlıq” fakültəsində magistr üzrə təhsil alıb. Çoxşaxəli yaradıcılığında əsasən qrafik üslubunda şəhər mənzərələrinə üstünlük verir. Bir çox beynəlxalq sərgilərin iştirakçısıdır. Əsərləri müxtəlif ölkələrin qalereyalarında və şəxsi kolleksiyalarında saxlanılır.