Zakir Hüseynov (1961-2010)   Ə. Əzimzadə adına Rəssamlıq Məktəbində (1979-1985) təhsil almışdır. Bakı Yod Zavodunda (1985-1986), daha sonra Bədii Fondun İstehsalat Yaradıcılıq Kombinatında (1986-1991) tərtibatçı rəssam vəzifəsində çalışmışdır. 1988-ci ildən Bakı İncəsənət Mərkəzi, 1996-2003-cü illərdə “Labirint” incəsənət qrupu, 2006-2010-cu illərdə “Bakı” Qalereyasının nəzdində yaradıcı kollektivdə fəaliyyət göstərib. 1997-ci ildə Azərbaycan Rəssamlar İttifaqının üzvlüyünə qəbul edilib. Ölümündən sonra 2011-ci ildə Xətai Miniatür Sənət Qalereyasında rəssamın 50 illik yubileyinə həsr olunmuş fərdi sərgisi keçirilmişdir.