Təbriz Abdullayev (d. 1955, Neftçala) Ə. Əzimzadə adına Rəssamlıq Məktəbinin (1972-1979) və Kiyev Dövlət Milli Təsviri Sənət və Arxitektura Akademiyasının (1979-1985) məzunudur. 1986-cı ildən Azərbaycan Rəssamlar İttifaqının üzvüdür. 2007-ci ildə “Azərbaycan Əməkdar rəssamı” fəxri adına layiq görülüb, 2011-ci ildən isə Azərbaycan Respublikası Prezidentinin təqaüdçüsüdür. Əsərləri Türkiyə, ABŞ, Yaponiya, İsrail, Ukrayna, həmçinin Avropa İttifaqının bir çox ölkələrinin qalereyalarında və şəxsi kolleksiyalarında saxlanılır.